PÉEPEN

Tu jáal jun p’éel chan x-t’út’ulbeje, jejeláas mejen jats’uts loolo’ob xiitlí u jach jats’utsilo’obe ku písko’ob le máxo’ob ku máno’obo.

Jun téene, chéen ka tu yilo’obe tu k’ab le u jach jats’ultsié te ku ch’uytal jun tul x-chalmlkiiní ka jo’op’ u yawat, ¡ántene’ex in púst le x nook’olá tumen jach táj k’aas, ka tu títubae ka júti.

Jun kúul chan x-sak lool p’eexkunta’ane ma tu cha’aba mix u ch’eene’ tumen le ki’ichpantako’obo tumen bin jach k’aas, te ch’uyláj le x-chmalk’iino’ ka tu ya’ale, ja’alibé, tené ts’o'ok in nu’ukpaja ka jo’op’ u p’a'asta’a yétel u jaja’che’ejtaj.

Ba’ale ka xít le x-nook’olé, jun túul ki’ichkelen péepen ts’u'ts’ik le chan x-sak loole’, ka jo’op’ u ts’íbolta’al ti, ka tu ya’ale ¡ótsil le in láak’o'oba! Kóom u paakato’ob ma tu pájtal u yiko’ob u piixan mix u puksi’ik’al jun túul lu’umkaab.

U jats’utsil jun túul lu’mkaabé ma u nook’i', letié ki’ichkelen pépen yann tu ts’u’ u puksi’ik’aló.